خبرگزاری بانو: سازمان پیمان امنیت جمعی اعلام کرده است که تقویت مرز تاجیکستان با افغانستان به یکی از اولویتهای اصلی امنیتی این سازمان تبدیل شده و هماهنگیها برای تأمین تسلیحات و تجهیزات نیروهای مرزی تاجیکستان جریان دارد.
به گزارش خبرگزاری تاس، طلعتبیک مصدقوف، دبیرکل این سازمان، گفته است که برنامه بیندولتی تقویت مرز تاجیکستان–افغانستان بر اساس تصمیم رهبران کشورهای عضو در نشست آستانه در نوامبر ۲۰۲۴ تصویب شده است. به گفته او، در حال حاضر مرحله نخست این برنامه در حال اجرا است که شامل تعیین فهرست تسلیحات و تجهیزات مورد نیاز و نهاییسازی قراردادها میشود.
تاجیکستان با بیش از ۱۳۴۰ کیلومتر مرز مشترک با افغانستان، طولانیترین مرز آسیای مرکزی با این کشور را دارد. مقامهای تاجیکستان میگویند پس از رویکارآمدن طالبان، وضعیت امنیتی در این مرز شکنندهتر شده و حضور گروههای تندرو در مناطق هممرز افغانستان نگرانیهای امنیتی را افزایش داده است.
